XX. mendeko Euskararen Corpus estatistikoa

Testuingurua

GUDARI BARRIAK

Atzo ikusi zaitut Aralar bidian
Abenda zarraren aldaska barria,
Lerdena, indartsua, begikor, gaztia,
ikurriña eruaten sorbalda ganian.

Guda ankerran, gazte asko jausi ziran
eta odol berua, ongarri mendian.
Negua igarota, oin udabarriak
Loraz estaltzen dau geure Euzkalerria.

Mikel Deun onduan, lengo gudariak,
Gizon urtetsuak, bertan batu dira.
Onexek bakarrik? Oi, zenbat il ziran!
Esan dot tamalez, baña neure atzian
Zuk esan daustazu: Ona emen barriak!

UTARSUS.